Ugu horreyn Eebbe ha u naxariisto halyeeyada shuhadada ah ee naftooda u hibeeyaya iyo kuwii ku dhaawacmay sidii ay dadkooda iyo dalkooda uga dulqaadi lahaayeen Damiir-laawayaasha argagaxisada ah ee caadaystay gummaadka ummadooda.
Intaas kadib, guusha laga gaaray dagaalka ka dhacay Ceel-dheer oo ay ku shahiideen saraakiisha ay kamidka ahaayeen Alle ha unaxariistee Colonel Yuunis Xasan Sabriye iyo Colonel Cabdulle Maxamed Cabdi, waxay inagu dhiirigalinaysaa:
1. Garab Istaagga Ciidankeena, Ciidankeenu maadama uu yahay laf-dhabarta iyo xayndaabka naga horjoogo cadawga waxaa waajib inagu ah in marwalba aynu la garab-istaagno taageero walba oo horseedaysa guulaheena.
2. In shacabka iyo Dowlad-gobaleedka Galmudug ay si dhab ah ugu diyaar garoobaan dagaalka lagu cirib tirayo khawaarijta argagixisada ah ee Al-shabaab.
Si muddo kooban aynu isaga dulqaadno heeryada kooxdan gabbalkeedu dhacay, wayaa waajib nagu ah inaan maal, muruq iyo maskaxba isugu gayno gunaanadka haraagga argagaxisada.
Ugu dambeyn waxaan guud ahaan ummada Soomaaliyeed ku boorinayaa in wada jir loogu istaago soo af meeridda argagaxisada.
Hambalyo Shacabka, Ciidanka iyo Culimada ku sugan Ceel-dheer.
W/Q : Mudane Libaan Axmed Xasan 8 June, 2024
